Bures: Alfred, wast eh ... Gusenbauer: Wos suderstn scho wieda?
Bures: (fuchtelt neckisch mit dem Zeigefinger): Alfi, du wast, des mit dem Sudern kummt ned so guat au bei de do draußen!
Gusenbauer: Samma draußen oda drinnen? Wos wüsd?
Bures: Wasd eh wegn da Ausschreibung nochn Korinek im Gerichtshof, des is des Geschlechtliche und so wegen uns Gleichberechtigung, die Frauen samma, wasd eh, Alfi, wüsd mi denn ned vastehn?
Gusenbauer: Ahso, geschlechtsneutral, Ausschreibung, eh kloa, muass jo so sei. Moch ma.
Bures: Nojo ned gaunz, im VGH-Gesetz homs auf des vagessn...
Gusenbauer: (erstmals huscht ein Anflug von Interesse über seine Lippen) Aso, a so ist des, des is daun owa gaunz wos aundas!
Bures: Gö, schreibsd des owa eh trotzdem so nochn Neichn eine, ich schicks daun a glei über die APA: "Gusenbauer Freund der Frauen: VGH wird geschlechtsneutral!"
Gusenbauer: He, ned hudln, wäu wasd, wauns im Gesetz ned steht ...
Bures: Owa Alfred, wie schaurad denn des aus, daun foin jo wieda olle über uns hea, waundst das ned geschlechtslos mochsd!?
Gusenbauer: (für sich) Hob jo gwust, des wird a Gesudere. (Laut): Also schreib auf für die APA: "Gusenbauer: Gesetz muss Gesetz bleim, Auch wenns - wos hosd vorher gsogt, "Frauenfreund", jo des is guad. Also: "Auch wenns Frauenfreund Gusenbauer schmerzt!". So, und jetzt kummst do her (zeigt auf eine Stelle auf dem Parkettboden im Bundeskanzleramt)
Bures: Na, bitte, ned scho wieda, imma i, nie da Feymann! (stellt sich aber dennoch auf die bezeichnete Stelle)
Gusenbauer: (Drückt auf einen Geheimknopf, Doris Bures verschwindet mittels eines Mechanismus' im Parkettboden des Bundeskanzleramts).
Und jetzt Schwamm drüber!